యంగ్ రెబల్ స్టార్ ప్రభాస్ చేతిలో ఇప్పుడు బోలెడు బడా ప్రాజెక్టులు ఉన్న సంగతి తెలిసిందే. ప్రస్తుతం ప్రభాస్ బాలీవుడ్ డైరెక్టర్ ఓం రౌత్ దర్శకత్వంలో “ఆది పురుష్” అనే సినిమా తో బిజీగా ఉన్నారు. ఇప్పటికే ఈ సినిమా షూటింగ్ పూర్తయింది. కానీ ఈ విషయంలో మాత్రం దర్శకనిర్మాతలు ఇంకా ఎక్కువ సమయం తీసుకుంటున్నారు. ఇదిలా ఉండగా ప్రభాస్ ప్రశాంత్ నీల్ దర్శకత్వంలో “సలార్” అనే సినిమా షూటింగ్ ను 85% పూర్తి చేసేసారు.
వచ్చే ఏడాది జనవరి కల్లా ఈ సినిమా షూటింగ్ మొత్తం పూర్తయిపోబోతున్నట్లు తెలుస్తోంది. ఈ సినిమా తర్వాత ప్రభాస్ మహానటి ఫేమ్ డైరెక్టర్ నాగ అశ్విన్ దర్శకత్వంలో “ప్రాజెక్ట్ కే” అనే సినిమాతో బిజీ కాబోతున్నారు. ఈ సినిమా కూడా పూర్తయిన తర్వాత ప్రభాస్ అర్జున్ రెడ్డి ఫేమ్ డైరెక్టర్ సందీప్ వంగా ధర్శకత్వంలో “స్పిరిట్” అనే సినిమాతో త్వరలో ప్రేక్షకుల ముందుకి రాబోతున్నారు. తాజాగా ఈ సినిమాకి సంబంధించిన ఒక ఆసక్తికరమైన వార్త ఇప్పుడు సోషల్ మీడియాలో వినిపిస్తోంది.
ఈ సినిమాలో ప్రభాస్ ఒకసారి కొత్త లుక్ తో కనిపించబోతున్నారట. ఇంతకుముందు సినిమాలతో పోలిస్తే ప్రభాస్ ఈ సినిమాలో చాలా డిఫరెంట్ లుక్కుతో ఉండబోతున్నారని తెలుస్తోంది. దీంతో ఈ సినిమాపై మంచి అంచనాలు నెలకొన్నాయి. అర్జున్ రెడ్డి వంటి కల్ట్ సినిమా తీసిన సందీప్ ప్రభాస్ తో ఎలాంటి సినిమా చేయబోతున్నారు అని సర్వత్ర ఆసక్తి నెలకొంది.
