చలికాలంలో ఉదయం సూర్యుడి రాక కాస్త ఆలస్యమవుతుంది. పగటి కాలం తగ్గుతుంది. వాతావరణం చల్లగా మారిపోతోంది..చలితీవ్రత అధికంగా ఉంటుంది. ఈ కారణాలతో చలికాలంలో శరీరంలో ఎనర్జీ లెవెల్స్ తక్కువగా ఉన్నట్టు అనిపిస్తుంది..యాక్టివ్‍నెస్ బాగా తగ్గుతుంది. ఉదయాన్నే శరీరం బద్దకంగా అనిపిస్తుంది. అయితే, కాలంతో పాటు వచ్చే ఈ సవాళ్లను పోషకాలు ఉండే ఆహారంతో ఎదుర్కోవచ్చునని నిపుణులు చెబుతున్నారు. కొన్ని రకాల ఆహారాలు తప్పక తీసుకోవడం వల్ల శరీరం చురుగ్గా మారుతుంది. రోగ నిరోధక శక్తి మెరుగవుతుంది. అలా చలికాలంలో తప్పక తినాల్సిన ఆహారాలు ఏవో ఇక్కడ తెలుసుకోండి…
వింటర్ సీజన్ మొదలైంది. ఇప్పటికే ఉష్ణోగ్రతలు క్రమంగా తగ్గుతున్నాయి..చలిగాలులు, పొడి వాతావరణం కారణంగా ప్రజలు వ్యాధుల బారిన పడే ప్రమాదముంది..చలికాలంలో జలుబు, దగ్గు, గొంతు నొప్పి వంటి ఆరోగ్య సమస్యలు వచ్చే అవకాశం ఎక్కువగా ఉంది..వీటి వల్ల శరీరమంతా నీరసంగా మారుతుంది..అందుకే చలికాలంలో వెచ్చగా ఉండటం కూడా ముఖ్యం.. ఈ సీజన్‌లో వచ్చే వ్యాధుల్ని తట్టుకోవాలంటే శరీరానికి కావాల్సిన శక్తిని అందించాలి. చలికాలంలో వాతావరణ ప్రభావంతో శరీరం అంత చురుగ్గా ఉండదు. బద్ధకంగా అనిపిస్తుంది. అయితే, కొన్ని రకాల ఆహారాలు తినడం వల్ల శీతాకాలంలో యాక్టివ్‍నెస్ పెరుగుతుందని పోషకాహర నిపుణులు చెబుతున్నారు. వీటితో మన ఆరోగ్యం కూడా మెరుగుపడుతుంది..
ఆకుకూరలు..
ఫీల్‍గుడ్ న్యూట్రోట్రాన్స్‌మిటర్ ‘సెరోటిన్’ ఉత్పత్తిని శరీరంలో ఫోలెట్, విటమిన్ బీ పెంచగలవు. పాలకూర, కేల్ లాంటి ఆకుకూరల్లో ఈ పోషకాలు పుష్కలంగా ఉంటాయి. ఈ పోషకాల వల్ల శరీరం బద్ధకం అనిపించడం తగ్గుతుంది. వీటిలో యాంటీఆక్సిడెంట్లు కూడా పుష్కలంగా ఉంటాయి. దీంతో రోగ నిరోధక వ్యవస్థ కూడా మెరుగవుతుంది. ఆక్సిడేటివ్ ఒత్తిడి ప్రభావాన్ని ఇవి తగ్గించగలవు.
సిట్రస్ పండ్లు..
నారింజ, చీనీ, నిమ్మ లాంటి సిట్రస్ పండ్లలో విటమిన్ సీ ఎక్కువగా ఉంటుంది. రోగ నిరోధక శక్తి వ్యవస్థ మెరుగ్గా పని చేసేందుకు విటమిన్ సీ ఎంతగానో తోడ్పడుతుంది. సిట్రస్ పండ్లలో యాంటీబ్యాక్టీరియల్ గుణాలు కూడా ఎక్కువగా ఉంటాయి. చలికాలంలో సీజనల్ ఇన్ఫెక్షన్ల నుంచి శరీరాన్ని ఇవి రక్షిస్తాయి. జీర్ణాన్ని కూడా మెరుగుపరుస్తాయి..
ఒమేగా-3 యాసిడ్స్ కోసం ఫ్యాటీ చేపలు..
సాల్మన్, మాకెరెల్, సార్డినెస్ లాంటి ఫ్యాటీ చేపల్లో ఉండే ఒమేగా-3 ఫ్యాటీ యాసిడ్లు మెదడు పనితీరును చురుగ్గా మారుస్తాయి. మూడ్‍ను చురుగ్గా చేస్తాయి. ఆందోళన, డిప్రెసివ్ డిజార్డర్ లక్షణాలను ఒమేగా-3 ఫ్యాటీ యాసిడ్స్ తగ్గిస్తాయి. ఈ చేపలను వారంలో మూడుసార్లు తీసుకుంటే ఇమ్యూనిట్ పవర్ పెరుగుతుంది..పులియబెట్టిన ఫుడ్స్ పెరుగు,యగర్ట్, కెఫిర్, కిమ్చి లాంటి పులియబెట్టిన ఆహారాలు..పేగుల్లో ఆరోగ్యకరమైన మెక్రో బయోమ్‍లను మెరుగు పరుస్తాయి..ఈ ప్రోబయోటిక్ ఫుడ్స్ తినడం వల్ల కడుపు మెరుగ్గా ఉండి శరీరం బరువుగా ఫీల్ అవదు. చురుకైన మూడ్ ఉంటుంది. శారీరక ఆరోగ్యాన్ని ఈ ఫర్మెంటెడ్ ఫుడ్స్ మెరుగుపరుస్తాయి..
నట్స్, సీడ్స్ నుంచి మెగ్నిషియం..
వాల్‍నట్స్, బాదం, గుమ్మడి గింజలు లాంటి నట్స్, సీడ్స్‌లో మెగ్నిషియం మెండుగా ఉంటుంది. శరీరంలో ఒత్తిడిని, ఆందోళన తగ్గేందుకు ఇది తోడ్పడుతుంది. శరీరంలో తేలిగ్గా ఉండేలా, రిలాక్స్ అయినట్టుగా ఉండేలా మెగ్నిషియం చేయగలదు. చలికాలంలో బద్ధకం ఫీలింగ్ పోవాలంటే ఇవి చాలా ముఖ్యం. స్నాక్స్‌గా నట్స్, సీడ్స్ తీసుకుంటే మూడ్ చాలా మెరుగవుతుంది..
దుంప కూరగాయల్లో..
బీట్‍రూట్, క్యారెట్లు, బంగాళదుంపలు లాంటి దుంప కూరగాయయల్లో ఫైబర్, కాంప్లెక్స్ కార్బోహైడ్రేట్లు ఎక్కువగా ఉంటాయి. ఇవి శరీరానికి శక్తిని బాగా అందిస్తాయి. రోజంతా శరీరం నిస్సారం కాకుండా చేయగలవు. ఇవి తీసుకుంటే బ్లడ్ షుగర్ లెవెల్స్ కూడా అదుపులో ఉంటాయి. ఒత్తిడి తగ్గుతుంది. పోషకాలను కూడా శరీరానికి బాగా అందిస్తాయి….
