ప్రస్తుత రోజుల్లో భారతదేశంలో ప్రతి చిన్న అవసరానికి ఆధార్ అనేది ఆధారంగా మారింది. ముఖ్యంగా ప్రభుత్వ సంక్షేమ పథకాలను అమలు చేయడానికి ప్రతి ఒక్కరికీ కీలకంగా మారింది. అయితే ప్రస్తుతం ఆధార్ సమాచారాన్ని సౌకర్యవంతంగా నిర్వహించడం ఏ కార్డ్ హోల్డర్‌కైనా అవసరం. ఆధార్ సేవలను యునిక్ ఐడెంటిఫికేషన్ అథారిటీ ఆఫ్ ఇండియా ఆధార్ సేవల కోసం రెండు ప్రధాన ప్లాట్‌ఫారమ్‌లను అందిస్తుంది. ఎం-ఆధార్, మై-ఆధార్‌లను అందుబాటులో ఉంచింది. ఈ రెండు ప్లాట్‌ఫారమ్‌ల గురించి మరిన్ని వివరాలను తెలుసుకుందాం.
ఎం-ఆధార్, మై-ఆధార్ ప్లాట్‌ఫారమ్ రెండు ప్లాట్‌ఫారమ్‌లు ఆధార్-సంబంధిత పనులను సులభతరం చేయడానికి ఉపయోగపడుతుంది. ఈ సేవలు విభిన్న వినియోగదారు అవసరాలను తీర్చడంతోపాటు ప్రత్యేక కార్యాచరణలను అందిస్తాయి. ఎం-ఆధార్ మొబైల్ యాప్‌గా అందుబాటులో ఉంది. వినియోగదారులు ప్రయాణంలో ఉన్నప్పుడు వారి ఆధార్ డేటాను యాక్సెస్ చేయడానికి, నిర్వహించడానికి ఈ సేవలు అనువుగా ఉంటాయి. అయితే మై-ఆధార్ అధికారిక వెబ్‌సైట్, ఆధార్ అప్‌డేట్‌లు, డౌన్‌లోడ్‌లు, ధ్రువీకరణ కోసం అనేక రకాల ఆన్‌లైన్ సేవలను అందిస్తుంది. ఈ రెండు సాధనాల మధ్య ఉన్న కీలక వ్యత్యాసాలను అర్థం చేసుకోవడం వల్ల మీ నిర్దిష్ట ఆధార్ సంబంధిత అవసరాల కోసం ఉత్తమ ప్లాట్‌ఫారమ్‌ను ఎంచుకోవచ్చు. ఎంఆధార్ అనేది ఆండ్రాయిడ్, ఐఓఎస్ స్మార్ట్‌ఫోన్‌ల కోసం మొబైల్ ఆధారిత అప్లికేషన్‌గా పని చేస్తుంది. దీనికి విరుద్ధంగా మై ఆధార్ అనేది లాగిన్ ఆధారిత పోర్టల్, ఇక్కడ ఆధార్ నంబర్ ఉన్నవారు ఆధార్ ఆధారిత ఆన్‌లైన్ సేవల శ్రేణిని పొందవచ్చు.
ఎం-ఆధార్ ప్రయోజనాలు
ఎం-ఆధార్ ఆధార్ హోల్డర్ల కోసం యూఐడీఏఐతో అభివృద్ధి చేసిన మొబైల్ అప్లికేషన్. ఈ యాప్ వినియోగదారులను వారి మొబైల్ పరికరాలలో వారి ఆధార్ డేటాను యాక్సెస్ చేయడానికి, నిర్వహించడానికి అనుమతిస్తుంది.
ఆధార్ నంబర్ వంటి ఆధార్ సమాచారాన్ని యాక్సెస్ చేయడంతో ఇతరులకు చూపించడానికి ఫిజికల్ ఆధార్ అవసరం ఉండదు.
మొబైల్ యాప్‌లో ఆధార్ కార్డ్ ఎంటర్ చేసి ఓటీపీ ఆధారంగా సురక్షిత లాగ్ ఇన్ చేయవచ్చు.
భద్రత కోసం ఆధార్ నంబర్‌ను లాక్, అన్‌లాక్ చేసే ఫీచర్లు కూడా అందుబాటులో ఉంటాయి.
ఎం-ఆధార్‌తో లింక్ చేసిన మొబైల్ నంబర్‌ను అప్‌డేట్ చేసే సౌకర్యం కూడా ఉంటుంది.
మై-ఆధార్
మై-ఆధార్ పోర్టల్‌ని ఉపయోగించి ఆధార్ నంబర్ హోల్డర్ కొన్ని క్లిక్‌లలో అన్ని ఆధార్-సంబంధిత ఆన్‌లైన్ సేవలను పొందవచ్చు.
వినియోగదారులు తమ వివరాలను (చిరునామా వంటివి) ఆధార్‌లో అప్‌డేట్ చేయవచ్చు.
ఆధార్ కార్డును డౌన్‌లోడ్ చేసి ప్రింట్ చేయవచ్చు.
ఆధార్ స్టేటస్‌ను తనిఖీ చేయవచ్చు. అప్‌డేట్‌లను అభ్యర్థించవచ్చు.
ఆధార్ నమోదును ధ్రువీకరించి వివిధ సేవలతో ఆధార్ లింక్ చేయవచ్చు.
ఎం-ఆధార్ అనేది మీ ఫోన్‌లో ఆధార్‌ని నిర్వహించడానికి ఒక మొబైల్ యాప్. అయితే మై-ఆధార్ అనేది వివిధ ఆధార్ సంబంధిత సేవలకు ప్రాప్యతను అందించే వెబ్ పోర్టల్ అని నిపుణులు చెబుతున్నారు.
