ఎలాంటి ఫిల్మ్ బ్యాగ్రౌండ్ సపోర్ట్ లేని ఓ సాధారణ మధ్య తరగతి కుర్రాడు ఇప్పుడు హీరోగా బ్లాక్ బస్టర్ హిట్ అందుకున్నాడు. మొన్నటివరకు హిట్టు, ప్లాపులతో సంబంధం లేకుండా వరుసగా సినిమాలు చేసిన కిరణ్.. కాస్త గ్యాప్ తీసుకుని క సినిమాతో అడియన్స్ ముందుకు వచ్చాడు. ముందు నుంచి చెప్పినట్లుగానే ఈ సినిమాతో దీపావళి పండక్కి హిట్టు అందుకున్నాడు. మరీ క ఫస్ట్ డే కలెక్షన్స్ ఎంతో తెలుసా..
టాలీవుడ్ యంగ్ హీరో కిరణ్ అబ్బవరం ప్రధాన పాత్రలో నటించిన లేటేస్ట్ సస్పెన్స్ థ్రిల్లర్ మూవీ ‘క’. దీపావళి సందర్భంగా అక్టోబర్ 31న విడుదలైన ఈ సినిమా ఫస్ట్ షో నుంచి మంచి రెస్పా్న్స్ అందుకుంది. సుజీత్, సందీప్ దర్శకత్వంలో వచ్చిన ఈ మూవీకి బాక్సాఫీస్ వద్ద మంచి కలెక్షన్స్ రాబట్టింది. ఉదయం నుంచే ఈ చిత్రానికి పాజిటివ్ రివ్యూస్ వచ్చాయి. ఈ చిత్రం కిరణ్ అబ్బవరం యాక్టింగ్..ముఖ్యంగా క్లైమాక్స్ 20 నిమిషాలు మైండ్ బ్లోయింగ్ అంటూ కామెంట్స్ చేశారు అడియన్స్. దీపావళి సందర్భంగా విడుదలైన ఈ సినిమా బ్లాక్ బస్టర్ హిట్ లిస్ట్ లో చేరింది. ఇదిలా ఉంటే.. ఈ చిత్రానికి ఈరోజు కూడా హిట్ రెస్పాన్స్ వస్తుంది.
నిన్న విడుదలైన మొదటి రోజే ప్రపంచవ్యాప్తంగా రూ.6.18 కోట్ల కలెక్షన్స్ రాబట్టింది. దీంతో ఓ స్పెషల్ పోస్టర్ షేర్ చేశారు మేకర్స్. ఈ సినిమాతో తన స్టామినా ఏంటో నిరూపించుకున్నారు కిరణ్ అబ్బవరం. ఇక ఈ రోజు కూడా ఈ చిత్రానికి బుకింగ్స్ అద్భుతంగా జరుగుతున్నట్లు తెలుస్తోంది. తన్వి రామ్, నయన్ సారిక, అజయ్, అచ్యుత్ కుమార్ ఈ చిత్రంలో కీలకపాత్రలు పోషించారు. ఈ సినిమా విడుదలకు ముందే క్లైమాక్స్, ఇంటర్వెల్ సీన్స్ నెక్ట్స్ లెవల్ ఉన్నాయని కిరణ్ అబ్బవరం చెప్పిన సంగతి తెలిసిందే. మొత్తానికి అందరి అంచనాలను తిప్పి కొడుతూ.. ముఖ్యంగా ట్రోలర్స్ నోరూ మూయించేలా క తో బ్లాక్ బస్టర్ హిట్ కొట్టాడు కిరణ్ అబ్బవరం.
ఇదిలా ఉంటే.. క లాంటి కాన్సెప్ట్ ఇంతవరకూ రాలేదని.. అలా వచ్చిందని నిరూపిస్తే సినిమాలు మానేస్తానని ఈ మూవీ గురించి ప్రీ రిలీజ్ ఈవెంట్లో కిరణ్ అబ్బవరం చెప్పిన వీడియోను నెట్టింట షేర్ చేస్తూ.. చెప్పి మరీ హిట్టు కొట్టాడు అంటూ కామెంట్స్ చేస్తున్నారు నెట్జన్స్. ఈ సినిమా చాలా యూనిక్ గా ఉందని.. దర్శకులు సుజీత్, సందీప్ ఎంచుకున్న కథ.. ఆ చిత్రాన్ని నడిపిన తీరు ప్రేక్షకులను కట్టిపడేసింది.
