ఇప్పుడు సినీప్రియులు ఆసక్తిగా ఎదురుచూస్తున్న సినిమా పుష్ప 2 ది రూల్. ఈ ఏడాది భారీ అంచనాలు నెలకొన్న చిత్రాల్లో ఇది ఒకటి. పుష్ప ఫస్ట్ పార్ట్ ఘన విజయం సాధించిన సంగతి తెలిసిందే. దీంతో ఇప్పుడు రాబోయే పుష్ప 2పై మరింత హైప్ నెలకొంది. ఈ సినిమా డిసెంబర్ 5న ప్రపంచవ్యాప్తంగా గ్రాండ్ గా విడుదల కానుంది.
ప్రస్తుతం ప్రపంచవ్యాప్తంగా సినీప్రియులు ఆసక్తిగా ఎదురుచూస్తున్న సినిమా పుష్ప 2 ది రూల్. డైరెక్టర్ సుకుమార్ అత్యంత ప్రతిష్టాత్మకంగా రూపొందిస్తున్న ఈ మూవీలో ఐకాన్ స్టార్ అల్లు అర్జున్, రష్మిక మందన్నా జంటగా నటిస్తున్నారు. అలాగే ఫహద్ ఫాజిల్, సునీల్, అనసూయ కీలకపాత్రలు పోషిస్తున్నారు. ఈ చిత్రానికి రాక్ స్టార్ దేవి శ్రీ ప్రసాద్ మ్యూజిక్ అందిస్తుండగా.. బ్యాగ్రౌండ్ స్కోర్ మ్యూజిక్ కోసం మరో సంగీత దర్శకుడు సెట్ లో అడుగుపెట్టనున్నట్లు తెలుస్తోంది. డిసెంబర్ 5న ఈ సినిమాను వరల్డ్ వైడ్ గ్రాండ్ గా రిలీజ్ చేయనున్నారు. దీంతో ఈ మూవీ అప్డేట్స్ కోసం ఎంతో ఆసక్తిగా వెయిట్ చేస్తున్నారు ఫ్యాన్స్. ఇప్పటికే ట్రైలర్ విడుదలకు కౌంట్ డౌన్ స్టార్ట్ అయ్యిందంటూ ఓ అప్డేట్ ఇచ్చింది చిత్రయూనిట్. అలాగే త్వరలోనే ఈ మూవీ ప్రమోషన్స్ స్టార్ట్ చేయనున్నట్లు తెలుస్తోంది.
ఇదిలాఉంటే ఇప్పుడు పుష్ప 2 అడ్వాన్స్ బుకింగ్స్ ప్రారంభమయ్యాయి. కానీ ఇండియాలో కాదు.. విదేశాల్లో ఇప్పటికే అడ్వాన్స్ బుకింగ్స్ స్టార్ట్ కాగా.. నివేదికల ప్రకారం పుష్ప ప్రీమియర్ షోల ప్రీ సేల్స్ లో ఇప్పటికే 500K USD (సుమారు రూ.4 కోట్లు) వసూలు చేసినట్లుగా తెలుస్తోంది. అడ్వాన్స్ బుకింగ్ ప్రారంభించిన కొద్ది రోజుల్లోనే 20 వేలకు పైగా టికెట్స్ అమ్ముడయ్యాయి. దీంతో ఇప్పుడు ఈ సినిమా కల్కి 2898 ఏడీ, ఆర్ఆర్ఆర్ , దేవర వంటి పెద్ద చిత్రాలను క్రాస్ చేసింది.
త్వరలోనే పుష్ప 2 షూటింగ్ పూర్తి కానుంది. ప్రస్తుతం స్పెషల్ సాంగ్ షూటింగ్ జరుగుతుంది. ఇందులో శ్రీలీల నటించనున్నట్లు టాక్. ఇక పుష్ప 2 ప్రమోషన్స్ కోసం అల్లు అర్జున్, రష్మిక దేశంలోని పలు నగరాల్లో సందడి చేయనున్నారు. ఇటీవల హైదరాబాద్‌లో జరిగిన ప్రచార ప్రెస్ మీట్‌లో, మైత్రీ మూవీస్ నిర్మాత రవిశంకర్, ‘పుష్ప 2’ ఇప్పటికే నాన్-థియేట్రికల్ బిజినెస్ ద్వారా ₹425 కోట్లు సంపాదించిందని.. థియేట్రికల్ రైట్స్‌తో ₹1000 కోట్లకు చేరుకుంటుందని అంచనా వేస్తున్నట్లు వెల్లడించారు. ఇండస్ట్రీ వర్గాల సమాచారం ప్రకారం ఈ సినిమా థియేట్రికల్ రైట్స్ ₹600 కోట్లకు అమ్ముడయ్యాయి.
