Family Star : ‘గీతగోవిందం’ కాంబినేషన్ విజయ్ దేవరకొండ, దర్శకుడు పరుశురామ్ మరోసారి కలిసి ఆడియన్స్ ముందుకు తీసుకురాబోతున్న సినిమా ‘ఫ్యామిలీ స్టార్’. మిడిల్ క్లాస్ ఫ్యామిలీ డ్రామాతో రూపొందుతున్న ఈ చిత్రంలో మృణాల్ ఠాకూర్ హీరోయిన్ గా నటిస్తున్నారు. ఏప్రిల్ లో రిలీజ్ కి సిద్దమవుతున్న ఈ సినిమా నుంచి ఇప్పటికే గ్లింప్స్, టీజర్, ఒక సాంగ్ రిలీజ్ అయ్యి మంచి రెస్పాన్స్ ని అందుకుంది.
ఇప్పుడు తాజాగా ఈ మూవీ నుంచి సెకండ్ సింగల్ ని కూడా రిలీజ్ చేశారు. గీతగోవిందం సినిమాలో ‘వచ్చిందమ్మ’ అంటూ ఒక మంచి పెళ్లి సాంగ్ ని ఇచ్చిన విజయ్ అండ్ పరుశురామ్.. ఇప్పుడు ఈ సినిమాతో కూడా ఒక పెళ్లి సాంగ్ ని ఇవ్వబోతున్నారు. పెళ్లిళ్ల సీజన్ లో ‘కళ్యాణి వచ్చా వచ్చా’ అంటూ సాగే ఓ మంచి మ్యారేజ్ సాంగ్ ని ఆడియన్స్ ముందుకు తీసుకు వచ్చేశారు. గీతగోవిందంకి మ్యూజిక్ చేసిన గోపి సుందర్ ఈ సినిమాకి కూడా సంగీతం అందిస్తున్నారు.
కాగా ఈ సినిమాని ఏప్రిల్ 5న రిలీజ్ చేయబోతున్నారు. గీతగోవిందం హిట్టుతో పాజిటివ్ బజ్ తో ఉన్న ఈ కాంబినేషన్ టీజర్ అండ్ సాంగ్స్ తో బాగానే ఆకట్టుకుంటుంది. మరి థియేటర్స్ లో మళ్ళీ గీతగోవిందం మ్యాజిక్ ని చూపిస్తారా లేదా అనేది చూడాలి. విజయ్ దేవరకొండ ఫ్యాన్స్ అయితే.. ఈ సినిమా పై భారీ అంచనాలు పెట్టుకున్నారు.
