జవాద్‌ తుఫాన్‌ ఎఫెక్ట్.. 120 రైళ్లు రద్దు..!

జవాద్‌ తుఫాన్‌ ఎఫెక్ట్.. 120 రైళ్లు రద్దు..!

Top Story

జవాద్ తుఫాన్‌ దూసుకొస్తుండడంతో రైల్వే అధికారులు అప్రమత్తం అయ్యారు.. ఈస్ట్‌ కోస్ట్ రైల్వేతో పాటు దక్షిణ మధ్య రైల్వే పలు రైళ్లను రద్దు చేసింది. ఈస్ట్‌ కోస్ట్ రైల్వే ఏకంగా 120 రైళ్లను రద్దుచేసినట్టు అధికారులు వెల్లడించారు.. ఈ నెల 2వ తేదీ నుంచి కొన్ని రైలు సర్వీసులు రద్దు అయిన విషయం తెలిసిందే కాగా.. నిన్న కూడా కొన్ని రైళ్లు పట్టాలు ఎక్కలేదు.. ఇవాళ కూడా మరికొన్ని రైళ్లు స్టేషన్లకే పరిమితం కానున్నాయి. ఈ నెల 5వ తేదీ వరకు వాల్తేరు రైల్వే డివిజన్‌ మీదుగా ప్రయాణించే 120 రైళ్లను రద్దు చేసింది ఈస్ట్‌ కోస్ట్‌ రైల్వే.. మరోవైపు పలాస మీదగా రాక పోకలు సాగించే రైళ్లను కూడా రద్దు చేశారు.

Loading...

జవాద్ తుఫాన్ కారణంగా ఆంధ్రా-ఒడిశా సరిహద్దులో పలాస, శ్రీకాకుళం మీదగా ప్రయాణించే (రాకపోకలు సాగించే) పలు రైళ్లను రద్దు చేస్తున్నట్టు ఈస్ట్ కోస్ట్ రైల్వే ఖుర్దా డివిజన్ అధికారులు ప్రకటించారు.. రైల్వే ఉన్నతాధికారుల ఆదేశాల మేరకు శ్రీకాకుళం జిల్లా మీదుగా శనివారం తిరగాల్సిన ఎక్స్‌ప్రెస్, సూపర్ ఫాస్ట్ ఎక్స్‌ప్రెస్, వీక్లీ, స్పెషల్ ట్రైన్స్, పాసింజర్ రైళ్లను నిలిపివేస్తున్నట్లు రైల్వే అధికారులు వెల్లడించారు. 18463 భువనేశ్వర్- ప్రశాంతి, రైలు నెంబర్. 18637 హటియా -బెంగళూరు కాంట్, రైలు నెంబర్. 22819 భువనేశ్వర్ -విశాఖపట్నం, రైలు నెంబర్. 17015 భువనేశ్వర్- సికింద్రాబాద్, 18418 గుణుపూర్- పూరి, 12807 విశాఖపట్నం -నిజాముద్దీన్ సమతా ఎక్స్‌ప్రెస్, 18551 విశాఖపట్నం- కిరండూల్ సహా పలు రైళ్లను రద్దు చేసింది రైల్వేశాఖ.

Loading...

Leave a Reply

Your email address will not be published.